ნარინჯისფერი მარკეტინგი

David — Mon, 08 Mar 2010 07:00:58 +0000

დღეს მოგითხრობთ მობილური კავშირის კომპანიაზე, რომელიც ჩემი აზრით მსოფლიო ბაზარზე ერთერთ საუკეთესო მარკეტინგს ატარებს და რომლის მომხმარებელი მეც ვარ ისრაელში. ეს არის orange.

orange

ბრენდ orange-ის ისტორია იწყება 1994 წელს, როდესაც ინგლისურმა კომპანია Microtel-მა ბაზარზე გასვლის წინ გადაწყვიტა სახელი შეეცვალა. ამისათვის მათ დაიქირავეს Wolff Olins – ბრენდინგის კომპანია, რომელიც ამჟამად მსოფლიოშია ცნობილი ისეთი კომპანიების (რე)ბრენდინგით, როგორიცაა Билайн, МТС, Альфа-Банк, Sony Ericsson, Wacom, ლონდონის 2012 წლის ოლიმპიადა და კიდევ 50 სხვა. სახელი ახალი ბრენდისთვის თვით Microtel-ის თანამშრომელმა მოიფიქრა, ხოლო მისი ბრენდული შეფუთვა Wolff Olins-მა მოამზადა. თუმცა, ბრენდინგის კომპანიის საიტს თუ დავუჯერებთ, სახელიც მათი მოფიქრებულია:

…by creating a brand that had nothing to do with technology, and everything to do with simplicity, openness and optimism. We gave the network the name of a colour, not a technospeak name like Vodafone or Cellnet. We created a warm, human communication style that soon became universally recognisable.

ბრენდის ძირითადი არსი ჩამოყალიბდა სლოგანში The Future’s bright, The Future’s Orange. ლოგო შეგნებულად არ გააკეთეს მრგვალი, რათა არიდებოდნენ ფორთოხალთან ასოციაციას და გასულიყვნენ ნარინჯისფერზე (ინგლისურად ორივე orange-ია).

2000 წლისათვის, როცა კომპანია France Telecom-მა იყიდა, იგი უკვე 25 მილიარდი ფუნტად ღირდა და ლოიალური აბონენტების ერთერთი საუკეთესო ბაზა გააჩნდა. დღეისათვის France Telecom-მა მისი ყველა ბიზნესი – ინტერნეტი, ქალაქის ტელეფონი, ბიზნეს-სერვისები orange ბრენდის ქვეშ მოაქცია.

orange (ჩემთვის ცნობილი) ერთადერთი სატელეფონო ბრენდია მსოფლიოში, რომლის ფრანჩაიზინგი, ანუ ბრენდით სარგებლობის გადაცემა/გაქირავება ხდება. მაგალითად, ისრაელის orange-ს, რომლის აბონენტიც მე ვარ, არავითარი საერთო არა აქვს ფრანგულ კომპანიასთან, გარდა ბრენდით სარგებლობის უფლებისა.

იმისათვის, რომ უკეთ დაინახოთ, თუ რას წარმოადგენს orange დღეს, აქვე შეგიგროვეთ რამდენიმე გამორჩეული სარეკლამო რგოლი – როგორც ისრაელის, ისე ფრანგული orange-ის სარეკლამო კამპანიებიდან (რაც შევძელი MyVideo-ზე ავტვირთე, რაც არა – Vimeo-ზე; საყურებლად ყველა ღირს).

ისრაელის კლიპები

საერთაშორისო კლიპები

THE END

მსგავსი პოსტები

ავიაკრეატივი

David — Mon, 08 Feb 2010 09:00:16 +0000

შეამჩნევდით ალბათ, რომ მსოფლიოში დღეს არსებული თვითმფრინავების უმეტესობა სტანდარტულად არის მორთულ-მოკაზმული: ლოგო კუდზე, დიდი წარწერა ბორტზე, ერთი-ორი გრძივი ზოლი… იცვლება მხოლოდ ფერი, თუმცა თეთრი მაინც დომინირებს. რასაკვირველია, როგორც ყველა სფეროში, აქაც მოიძებნა რამდენიმე “კრეატივშიკი”. დღეს წარმოგიდგენთ უახლეს მაგალითს – აფრიკულმა Kulula-მ ხელის გულზე დაალაგა თვითმფრინავის მთელი შიდა სამზარეულო:

Kulula Airlines

დეტალებში (გასადიდებლად დააჭირეთ ფოტოებს):

დესერტად: Alaska Airlines-ის დისნეის მოტივები

DAVID.GE 2.0 – ქართული მარკეტინგის ბლოგი » ბრენდინგი

ნარინჯისფერი მარკეტინგი

მსგავსი პოსტები

ავიაკრეატივი

მსგავსი პოსტები